قمه القهر والوغف

لمن يجي شخص انت مطايقه ولا حاب تبتسم إبخلقته ويكلك
(( على فكرة ترة اني زعلان منك !! ))
———————————————-
في فترة الامتحانات
الطالب العراقي يتصل على صاحبة ويسأله درست ؟
اذا صاحبة كال لا كلشي مدارس  يرتااااااااااااااااح نفسياً O.o
…ماشيين على مبدأ ( ليس المهم ان تنجح … المهم ان يفشل الآخرون )

———————————————-

بخيلة راحت تخطب لابنها من رجعت دتنطي التقرير لرجلها كلتلة والله ابنك عرف اشون يختار فد بنية حلوة تخبل واهلها ناس شايفين وعايفين تصور كلشي مطلبو من عدنا مهر كالو احنا نريد الحاضر والغايب قران كريم وان شاء الله يبارك الله بالهازيجة جاوبها رجلها كلها اشدعووووووووووووووووووووة جان كلتيلهم الحاضر جزء عم والغايب جزء تبارك بس اني عرفت راح يغلبوج وتلوصيها
__________________________________
 هسه الأصبع الصغير اللي بالرجل , شنو فائدته غير بس يضرب بالبيبان ويطخ بالقنفات .
.مسطول متعور وديدردم 
__________________________________
مسطول ابنه بغرفة العمليات..طلع الدكتور قال: البقاء لله ابنك مات.. بعد شوي طلع الابن: بابا اني ما متت بعدني عايش.
.المسطول: ضرب ابنه راشدي وقال..ليش انت تفتهم اكثر من الدكتور.
 ________________________________
 الطـآألب العراقي .. أول مـآا يدخل الآمتحـآان . .
يكول الدعـآاء .. ويكول يالله ~

وبعديـن يطلّـع أورآق الغش و يحـل
——————————————–

ثلاث مساجين واحد منعدهم مسطول قررو ينهزمون من السجن
بحفر خندق من جوه السور (بلش الاول بالحفر )
حفر شويه طلعله المصباح السحري فركه طلعله المارد وكالة شبيك لبيك
طلب منه يوصله على امريكا وبلمح البصر وصلها
… (اجى الثانيد ديحفر )
… حفر حفر وطلعله المصباح والمارد بعد ما فركه
كله شبيك لبيك .. فطلب منه يرووح على بريطانيا وبلمح البصر راح
(اجى دور المسطول حتى يحفر )
حفر حفر طلعله المصباح السحري فركه طلع المارد
كله شبيك لبيك
كله اريد تجيب هالثولان الثنين خلينا نكمل حفر
—————————————–
حكمة مسطول

لاتشرب الماء بعد أكل السمك لأنه ممكن يرجع يعيش
——————————————
من هي الكائنات المستحيل تسكت مهما حاولت !!
نسوان راجعين من العرس  ………..
——————————————
مسطول حضر حفله لوائل كفوري سمعو يكول ” بحطها على راسي من

فوق ” ومد المايك للجمهور حته يرددوا . … … .
المسطول سحب المايك

وقال : السلام عليكم … ابو محمد من بغداد الجواب : شفقه

——————————————————-
وحدة عدها بزونة كلما تريد تخلص منها ترجعلها مرة لخ ..
فد يوم دزت ابنها حتى يخلص منها .. و يوديها بعيد عن البيت حتى مترجع بعد
…راح الولد و اخذ البزونة و كام يفتر يفتر و يفتر بيها
الى ان ضيع و تاه من البيت و رجع متأخر ..
كالتلة أمة : ليش تأخرت ؟
… كاللها : مو تيهت
كالتلة : زين شلون رجعت ؟
كاللها : مشيت ورة البزونة
——————————————————–
ثلاجة أللبنانية :

سمك: يحبو جوني حبيبي
بوب كورن: لابني ميشو
نقانق : لميمي حبيبتي
… بطاطا للقلي السريع: لحبايبي ({})
كبه: وقت ما كون متأخره على زوجي ;;)
توابل: للشوي برات البيت
ثلج: للعصاير
مكسرات للسهرة العايليه
دجاجه متبله لستي مرفت بتحبوه كتير

فريز آلبيتِِ العراقي :

دولمة : إذا أجانا أحد
سمبوسك : إذا أجانا أحد
تمر: إذا أجانا أحد
سمج : إذا أجانا أحد
كبة برغل : نسوي منها إذا أجانا أحد
إلصاله : ﻟٱ تكعدون بيها أخاف يجينا أحد

زين البيت كله مال منو بالضبط !!!؟؟؟

^ مال إذا أجانا أحد

————————————————-
منوو أسرع أنت لوو الصاروخ !! 🙂

السؤال الي تطرحه الامهات والاباء  خلال الطفولة لابناءهم حتى يركضون للـ الدكان علمود اجيبلولهم شغلاتهم بأسرع ما يمكن 😦

————————-
ورقة الامتحان مثل اللوان العلم العراقي…شلون؟؟؟
.

بيضة من تسلم..
حمرة من تصحح..
سودة من تطلع النتيجة..
والله اكبر من يشوفوهة الاهل….

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: